მეზვრიშვილი - „ქართული მარში“ იქნება თუ ლგბტ თემი, ყველას გამოხატვის თავისუფლებას დავიცავთ

სტატიის ავტორი

საქართველოს შინაგან საქმეთა მინისტრის მოადგილე, ნათია მეზვრიშვილი თბილისი პრაიდის“ გუნდის მიერ 23 აპრილს გავრცელებულ ინფორმაციას ეხლაურება და მოუწოდებს ყველას, სანამ შინაგან საქმეთა სამინისტროსთან მოსამზადებელი ღონისძიებები არ დასრულებულა, ყოველგვარი განცხადებებისგან თავი შეიკავონ.

მისივე თქმით, ის განცხადება, რაც ლგბტ თემის წარმომადგენლებმა გუშინ გაავრცელეს, რეალობას არ შეესაბამება.

შსს-ს არაერთხელ უთქვამს და ახლაც ვიმეორებთ: სადაც არ უნდა მოხდეს, რა დემონსტრაციაც არ უნდა იყოს, ვინც არ უნდა იყოს ამის ორგანიზატორი, იქნება ეს „ქართული მარში“ თუ ლგბტ თემის წარმომადგენლები, ყველას გამოხატვის თავისუფლებას, რომელიც არ გასცდება კანონის ფარგლებს, დავიცავთ. სამწუხაროა ასეთი დაუფიქრებელი ნაბიჯები, მით უმეტეს, ორმხრივი თანამშრომლობის პირობებში. ასეთი შეუთანხმებელი ნაბიჯები აზიანებს მხოლოდ და მხოლოდ დისკრიმინაციის წინააღმდეგ ბრძოლის იდეას, რაც ჩვენი ყველას ინტერესი უნდა იყოს. მოლაპარაკებები ჯერ მხოლოდ ორშაბათს დავიწყეთ. შედეგების შესახებ ინფორმაცია ყველა საერთაშორისო ორგანიზაციას, ადგილობრივ არასამთავრობოებს, სახალხო დამცველს მივაწოდეთ. ჩვენ უსაფრთხოების თვალსაზრისით რისკებს ვხედავთ. ეს ვუთხარით შეხვედრის მონაწილეებსაც და ეს იცის ყველა საერთაშორისო ორგანიზაციამ. ამიტომ, სანამ ივნისი არ მოახლოვდება, რაიმეზე გადაჭრით საუბარი პრაქტიკულად შეუძლებელია“, – განაცხადა ნათია მეზვრიშვილმა.

„თბილისი პრაიდის“ ინფორმაციით, შსს-ს წარმომადგენლებმა განაცხადეს, რომ სახელმწიფო გააკეთებს მაქსიმუმს, რათა ღირსების მარში მშვიდობიანად ჩატარდეს და დაცული იყოს თითოეული გამომსვლელის უსაფრთხოება.скачать dle 12.1








მსგავსი ამბები


კომენტარის დამატება

კოდის განახლება

Наверх