რუსეთში მოღვაწე ხელოვანი ლამზირა ხაჭაპურიძე, გორში აღარ ჩამოვა

სტატიის ავტორი

რუსეთში მოღვაწე ხელოვანი ლამზირა ხაჭაპურიძე, გორში აღარ ჩამოვა. ამის შესახებ ,,დიანიუსს" ფეშენ ვიკის ერთ-ერთმა ორგანიზატორმა, იოსებ კავკავაშვილმა განუცხადა. მისი თქმით, ხელოვანის გორში ვიზიტის გადადება, საქართველოში მიმდინარე პროცესებს უკავშირდება. ლამზირა ხაჭაფურიძე საერთაშორისო პროექტის, რეგიონ ფეშენ ვიკის სპეციალური სტუმარი იყო, რომელიც გორში 20, 21 და 22 ივლისს გაიმართება.


,,საქართველოში შექმნილი ვითარების გამო, რომელიც დაკავშირებულია გავრილოვის ვიზიტთან, რუსეთის ოკუპანტმა პრეზიდენტმა ავია რეისები საქართველოს მიმართულებით შეზღუდა. ვინაიდან ქალბატონი ლამზირა გახლავთ რუსეთის მოქალაქე და ცხოვრობს იქ, სწორედ ამის გამო ვერ ჩამოდის საქართველოში. თუმცა მინდა გითხრათ რომ მოდის კვირეულს სხვა ქვეყნებიდან სტუმრობენ, მაგალითად, ბერლინიდან 4 ოფიციალური სტუმარი, ასევე სასომხეთიდან, აზერბაიჯანიდან, თურქეთიდან და პოლონეთიდან. ასევე მოლაპარაკებები იყო სხვა ქვეყნებთან თუმცა განვითარებული მოვლენების გამო ამ ეტაპზე მათი მხრიდან იყო თავშეკავება ვიზიტზე. მე მჯერა რომ კვირეული წარმატებით ჩაივლის. და ჩვენ ვიტყვით ჩვენ სათქმელს. მოგეხსენებათ , რომ ,,არა ოკუპაციას" ამ მოტივით დიზაინერები სპეციალურად ამ კვირეულისთვის შექმნილ ლუქებს უჩვენებენ. მჯერა რომ ჩვენ კიდევ ერთხელ მივაწვდით მსოფლიოს ხმას რომ რუსეთი ოკუპანტია და პუტინი უნდა შეჩერდეს. " -აცხადებს ფეშენ ვიკის ერთ-ერთი ორგანიზატორი, იოსებ კავკავაშვილი ,,დიანიუსთან" საუბრისას

ცნობისთვის, მოდის კვირეულის ფარგლებში, ხუთი უცხოელი და 15 ქართველი დიზაინერი მიიღებს მონაწილეობას. სოსო კავკავაშვილის განცხადებით, ადგილობრივ და უცხელ დიზაინერებს შორის ხუთი გორელია. დიზაინერები ჩვენებებს სამი დღის განმავლობაში, ახლად რეაბილიტირებულ გოგებაშვილის ქუჩაზე , ახალბაღში და გორის დრამატულ თეატრში, ,,ოკუპაციას და ერთიანობის" თემაზე გაიმართება.

ავტორი: შოთიკო სადაღაშვილიскачать dle 12.1








მსგავსი ამბები


კომენტარის დამატება

კოდის განახლება

Наверх