სექსუალური მოძალადე სადარბაზოებში - ვინ არის 23 წლის სპორტსმენი, რომელმაც რამდენიმე ქალის გაუპატიურება სცადა

სტატიის ავტორი

სექსუალური მოძალადე იდენტიფიცირებულია. "კურიერმა" ექსკლუზიურად მოიპოვა დაზარალებულთა ჩვენებები, სადაც დეტალურადაა აღწერილი, როგორ ძალადობდა სპორტსმენი ქალებზე. 23 წლის ბიჭი თბილისის ქუჩებში მსხვერპლს ირჩევდა, მის გაუპატიურებას კი სადარბაზოში ცდილობდა. მოძალადე ერთ-ერთმა დაზარალებულმა ამოიცნო.

პირი, რომელზეც "კურიერის" რესპოდენტი ყვება, 23 წლის სპორტსმენი ჯემალ ზოიძეა. ახალგაზრდა გოგონა ღამის საათებში სახლში ბრუნდებოდა, როცა უცნობი მამაკაცი ჯერ აედევნა, შემდეგ სადარბაზომდე მიჰყვა და სექსუალური ძალადობა სცადა. ამის შემდეგ რამდენჯერმე დაარტყა და ტერიტორიიდან მიიმალა.

შემთხვევიდან მესამე დღეს ჯემალ ზოიძე დაზარალებულს ისევ აედევნა. ამჯერად დღის საათებში. დიდი სტრესის მიუხედავად ძალადობის მსხვერპლმა დამნაშავის იდენტიფიცირება შეძლო. ვარკეთილის მეტროს მიმდებარე ტერიტორიაზე კი პოლიცია გამოიძახა და მოძალადე ადგილზევე დააკავეს.

მას შემდეგ, რაც დაკავებული პოლიციის განყოფილებაში გადაიყვანეს, გაირკვა, რომ 23 წლის ბიჭი სექსუალური ხასიათის დანაშაულში ერთდროულად რამდენიმე გოგომ ამხილა. პირველი ასეთი შეტყობინება განყოფილებაში მაისში შევიდა. ახალგაზრდა გოგომ აღწერა, როგორ ცდილობდა მისთვის უცნობი მამაკაცი სადარბაზოში გაუპატიურებას და თან ფიზიკურად უსწორდებოდა.

"კიბეზე ასვლისას მომესმა ფეხის ხმა. ვიფიქრე, რომ კორპუსის მაცხოვრებელი ამოდიოდა კიბეზე სწრაფი ნაბიჯით და გადავწყვიტე, გამეტარებინა. უეცრად მეცა, მომაწვა სხეულით. ზურგით მიმაბჯინა სადარბაზოს კედელთან. დამიწყო ხელით მოფერება. მაშინვე ხელი ვკარი და ძლიერად დავიყვირე," - აცხადებს ერთ-ერთი დაზარალებული.

"დავიწყე ხმამაღლა ყვირილი. დავიყვირე - "მიშველეთ", ვეძახდი ჩემს ბებიას. რა დროსაც შეწყვიტა შეხება და სირბილით გავიდა სადარბაზოდან. ამ დროს კიბიდან ჩამოირბინა ჩემმა ძმამ, რომელმაც ხმა სახლში გაიგო. იმ დღეს დიდი სტრესის ქვეშ ვიყავი, მეორე დღეს კი გამოვცხადდი პოლიციაში და განვაცხადე მომხდარი ფაქტის შესახებ," - ამბობს მეორე დაზარალებული.

მსგავსი ჩვენება პოლიციას ბევრი ჰქონდა. შედგენილი იყო ფოტორობოტიც, მაგრამ გამოძიება დამნაშავის გამოკვეთას ვერ ახერხებდა. ვიდრე სექსუალურ მოძალადეს ეძებდნენ, დამნაშავე ჯემალ ზოიძე იმ დროს ბავშვებთან მუშაობდა. როგორც ირკვევა, უკვე წლებია სპორტსმენია და ერთ-ერთ სპორტკომპლექსში არასრულწლოვნებს ავარჯიშებდა.

დაკავებულს მძიმე მუხლით ჩადენილ დანაშაულს ედავებოდნენ, თუმცა ის მკაცრი სასჯელისგან გათავისუფლდა. პატიმრობაში მყოფი ზოიძე ციხიდან იძულებით მკურნალობაზე გაუშვეს. მას 1 წელში ყველანაირი პასუხისმგებლობა მოხსნილი ექნება.

საეჭვოა სამედიცინო დასკვნაც, სადაც დაკავებულს ფსიქიკური აშლილობა დაუდგინდა. უცნობია, როგორ მუშაობდა პირი ბავშვებთან, რომელიც ფსიქიკური პრობლემების გამო სხვადასხვა მსხვერპლზე სისტემატურად, სექსუალურად ძალადობდა. დაკავებულის ოჯახის წევრებს ამ დანაშაულზე საუბარი უჭირთ.

ამ საქმეში რამდენიმე დაზარალებულია. ყველამ პირობა მიიღო, რომ დამნაშავე მკაცრად დაისჯებოდა. მაგრამ სასჯელად მხოლოდ ფსიქიატრიული საავადმყოფოს კედლებს მიღმა გასატარებელი რამდენიმე თვე განისაზღვრა.скачать dle 12.1








მსგავსი ამბები


კომენტარის დამატება

კოდის განახლება

Наверх