ნანუკა ჟორჟოლიანი ნაციონალურ მოძრაობას მხოლოდ მიშას გამო აძლევს ხმას, იხილეთ ჟურნალისტის facebook პოსტი


ნანუკა ჟორჟოლიანი საკუთარ facebook გვერდზე სტატუსს აქვეყნებს.

,,ვაკვირდები მსჯელობებს თემაზე, მიშა და პრემიერობის კანდიდატი.

ჰოლა, ჩვენ აქ ვართ, ადამიანები, რომლებიც ამდენი წელია ნაციონალურ მოძრაობას მხოლოდ მიშას ფაქტორის გამო ვაძლევთ ხმას. მიუხედავად ჩემი პატივისცემისა პარტიის კონკრეტული წევრების მიმართ.

ამდენი წელია , ზუსტად ჩემნაირების ხარჯზეა ეს პარტია მთავარი ოპოზიციური ძალა.

წავიკითხე, მიშამ ისევ მხოლოდ მის ერთგულ ამომრჩეველს მიმართაო:) სხვებმა დაასრულეს გადაუწყვეტელ ამომრჩეველზე მუშაობა? და შედეგი? ადამიანების რიცხვი, რომლებმაც არ იციან ხმა ვის მისცენ , რატომ იზრდება?

და ნაცებს, ზუსტად მიშას ხარჯზე ჰყავს ამომრჩეველი რომელიც ცემის, დაშინების, დამცირების მიუხედავად ამდენი წელია არსად მიდის.

მოკლედ, ჩვენც შეგვიმჩნიეთ ასეთი დისკუსიების დროს და იმაზეც დაფიქრდით, ექნება თუ არა ოპოზიციას საერთოდ კოალიციის შანსი, თუ ნაცები არ იტყვიან რომ მათი პრემიერობის კანდიდატი, ზუსტად რომ მიშა იქნება,“ - წერს ჟურნალისტი.