საიტის ძველი ვერსიაზე გადასასვლელად დააჭირეთ აქ!

მიხეილ სააკაშვილი საკუთარი მხარდამჭერების გამოკითხვას გეგმავს

access_time5-06-2019, 17:19 chat_bubble_outline35

კიევის მერმა ვიტალი კლიჩკომ საქართველოს ყოფილ პრეზიდენტს, ოდესის ოლქის ყოფილ გუბერნატორს, პარტია „ახალი ძალების მოძრაობის“ ლიდერს მიხეილ სააკაშვილს საკუთარი პარტიის თავმჯდომარეობა შესთავაზა. მე მზად ვარ მას პოლიტიკურად მხარში ამოვუდგე, დარწმუნებული ვარ, რომ ჩვენი კავშირი, ქვეყანაში ცვლილებების განხორციელებისათვის ძალისხმევას გააორმაგებს, ჩვენ ცვლილებებისთვის საერთო გეგმა გვაქვს და გვყავს ხალხი, რომელთაც ამ ცვლილებების განხორციელება შეუძლიათ“, - ამბობს კლიჩკო მიმართვაში.
ამ წინადადებასთან დაკავშირებით მიხეილ სააკაშვილმა სოციალური ქსელის სასუალებით მიმართვა გაავრცელა, სადაც საკუთარი მხარდამჭერების გამოკითხვას გეგმავს. "ვიტალი კლიჩკომ დახმარების ხელი გამოგვიწოდა და ღირსეული შეთავაზებით მოგვმართა, მაგრამ მე ყველაფერს ღიად გავაკეებ, მას შემდეგ, რაც თქვენი აზრი მეცოდინება. ჩვენ ან კლიჩკოს პარტიასთან ერთად უნდა წავიდეთ არჩევნებზე, ან უარი ვუთხრათ და არჩევნების მიღმა დარჩენის რისკის წინაშე აღმოვჩნდეთ. მოდით, ოპერატიულად გადავწყვიტოთ“, - მიმართა სააკაშვილმა საკუთარ მხარდამჭერებს.
მიხეილ სააკაშვილის პარტია „ახალი ძალების მოძრაობა უკრაინის რადას არჩევნებში მონაწილეობას გეგმავს.

"კარგად ვხედავთ, რა მოსდის ლარს, როგორ გარბის ხალხი ქვეყნიდან, რა სიღატაკეა ქვეყანაში"-რომან გოცირიძე

access_time3-06-2019, 18:20 chat_bubble_outline35

საქართველოს პრემიერ-მინისტრის ყოველწლიურ მოხსენებასთან დაკავშირებით, რომელიც პარლამენტს დღეს გადაეგზავნა, ენმ-ის წევრი რომან გოცირიძე უარყოფითად აფასებს. 212 გვერდიან მოხსენებაში ძირითადი აქცენტები პენსიის 20 ლარიან მატებაზე, უმუშევრობის შემცირებასა და სამუშაო ადგილების გაზრდაზე კეთდება. ენმ-ს წევრი ამბობს, რომ ანგარიშის გარეშეც მარტივია საუბარი ქვეყნის ხელისუფლების მმართველობასა და არასწორ პოლიტიკაზე. ამის ნათელი მაგალითი კი ეროვნული ვალუტის ვარდნა და ქვეყანაში არსებული სიღარიბეა.
„რა უნდა იყოს ახლა პრემიერ-მინისტრის ანგარიშში. იქნება კვლავ ის ტყუილები, რითაც კვებავდნენ ამ ხნის განმავლობაში, მაგრამ ანგარიშის გარეშეც კარგად ვხედავთ, რა მოსდის ლარს, როგორ გარბის ხალხი ქვეყნიდან, რა სიღატაკეა ქვეყანაში, მოსამართლეების შესახებ მალე გადაწყვეტილება უნდა მივიღოთ, აქაც ხდება სრული უზურპაცია და პროკურორი და მისი ორი მოადგილე წარმოადგინა ივანიშვილმა უზენაეს სასამართლოში. რომელი მიმართულებით შეიძლება ამ მოხსენებაში შეიძლება იყოს ამ რაიმე წარმატებაზე საუბარი,“ - განაცხადა რომან გოცირიძემ.

ზურაბ ადეიშვილი წლების შემდეგ ალაპარაკდება

access_time3-06-2019, 16:49 chat_bubble_outline35

"რუსთავი 2"-ის გენერალური დირექტორი ნიკა გვარამია სოციალური ქსელის პირად გვერდზე ყოფილ მთავარ პროკურორ ზურაბ ადეიშვილთან ინტერვიუს აანონსებს, რომელსაც მას მაყურებელი "youTube" არხზე "ნიკას არხი" იხილავს.
“გამოიწერეთ ჩემი არხი YOU TUBEზე. მალე პირველი ვიდეო: ინტერვიუ ზურაბ ადეიშვილთან“, - წერს ნიკა გვარამია.

"მასთან ერთად ნამდვილად არ ვაპირებ მუშაობას" -ქუთაისის საკრებულოს თავმჯდომარე

access_time3-06-2019, 14:27 chat_bubble_outline35

ქუთაისის საკრებულოს დეპუტატის ნანა კოსტავას მიერ სიძულვილის ენით საუბართან და საზოგადოების საპროტესტო მუხტთან დაკავშირებით ქუთაისის საკრებულოს თავმჯდომარემ ნიკა ლატარიამ განახცადა, რომ საკრებულოს არ აქვს იმის ბერკეტი, დეპუტატს იძულებით დაათმობინონ მანდატი.
„ჩვენ, საკრებულოს არ გვაქვს არანაირი ბერკეტი, რომ ვაიძულოთ დეპუტატი დატოვოს საკრებულო. მან დატოვა საკრებულოში თანამდებობა, ის არანაირ თანამდებობას არ იკავებს საკრებულოში. მასთან ერთად ნამდვილად არ ვაპირებ მუშაობას.
ფრაქციაში ერთად ვართ და ვფიქრობ, რომ იმ ფრაქციაში მასთან ერთად აღარ გავაგრძელებ მუშაობას. არ მაქვს ინფორმაცია, რას გადაწყვეტს ის ხვალ. შევიკრიბებით და გადავწყვეტთ, ის დატოვებს ფრაქციას თუ მე.
პროცედურები არსებობს. მაგალითად ხალხს აქვს უფლება, დეპუტატი გაითხოვოს და არის ამის ბერკეტები, თუმცა ეს საზოგადოების გადასაწყვეტია“, - განმარტა საკრებულოს თავმჯდომარემ ნიკა ლატარიამ.
ქუთაისის საკრებულოს „ქართული ოცნების“ დეპუტატი ნანა კოსტავა საკრებულოს დატოვებას არ აპირებს. ამის შესახებ კოსტავამ ტელეკომპანია იმედის საინფორმაციო გადაცემა „ქრონიკისთან“ სატელეფონო ინტერვიუში განაცხადა. მისი თქმით, გადაწყვეტილება ამომრჩევლების თხოვნის საფუძველზე შეცვალა.
შეგახსენებთ, რომ 28 მაისს ნანა კოსტავამ Facebook-ზე მენეჯერ სალომე ბარკერის 2018 წლის ერთ-ერთი ვიდეო გაიზიარა წარწერით - „კაი დღეში ხარ ახლა, იცინე“. მოგვიანებით მან პოსტი წაშალა. ამის შემდეგ მან კიდევ ერთი პოსტი გამოაქვეყნა, რომელშიც მანამდე დაწერილი სტატუსის გამო ბოდიში მოიხადა და აღნიშნა, რომ არ იცოდა, თუ სალომე ბარკერის და არის 16 წლის გოგო, რომელიც ლაგოდეხის ნაკრძალში, მდინარეში დაიღუპა.
ლაგოდეხში მდინარეში ჩავარდნილი მოსწავლის ცხედარი 27 მაისს იპოვეს. მანამდე ლაგოდეხში, „ნინოსხევის ჩანჩქერის“ მიმდებარე ტერიტორიაზე, ექსკურსიაზე მყოფი სკოლის მოსწავლეებიდან ერთ-ერთი მდინარეში ჩავარდა.
შინაგან საქმეთა სამინისტრომ მომხდარზე გამოძიება საქართველოს სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.
ქუთაისის მუნიციპალიტეტის საკრებულოს ფრაქცია „ ქართული ოცნება- კონსერვატორების“ წევრებისა და პოლიტიკური გუნდის გადაწყვეტილებით, ნანა კოსტავამ დაკავებული თანამდებობა დატოვა.

"ჩემთვის უდიდესი ღირსებაა ვემსახურო საქართველოს თქვენთან ერთად!"

access_time31-05-2019, 18:10 chat_bubble_outline35

შინაგან საქმეთა მინისტრმა გიორგი გახარიამ პოლიციისადმი მიძღვნილ საზეიმო ღონისძიებაზე სამინისტროს ქვედანაყოფებსა და რიგითებს შემდეგი სიტყვებით მიულოცა პროფესიული დღე: "დღეს, ჩვენ აღვნიშნავთ პოლიციის 101-ე დღესასწაულს 1918 წლის დამპოუკიდებლობის შემდგომ. თითოეული ჩვენგანისთვის ეს არის უდიდესი დღე და კარგად გვესმის რომ ამ ქვეყნის მართლწესრიგისა და სიმშვიდის პასუხისმგებლობა გვაქვს აღებული. ძვირფასო პოლიციელებო ჩვენ დღეს ზუსტად ვიცით სად ვართ, რა გეგმები გვაქვს და საით მივდივართ. სწორედ ამ გეგმებიდან გამომდინარე ჩვენს რეფორმებს დავარქვით სისტემური განახლება, რატა შევინარჩუნოთ კარგი, რაც იყო ჩვენს წარსულში და სიახლეებიტა და რეფორმებით ვუპასუხოთ იმ გამოწვევებს, რომლის წინაშეც ჩვენ ვდგავართ. ჩვენი მიზანია ეფეზტური და პოლიტიკურად ნეიტრალური პოლიცია. ეს არსი ძირიტადი, რასაც უნდა მივაღწიოთ და რა თქმა უნდა არის ასევე ჩვენი უმნიშვნელოვანესი მიზანია, რომ ამის ფონზე შევინარჩუნოთ ადამიანის ღირსება და მისი უფლებები. ამას ჩვენ ყველა ერთად მივაღწევთ. ბატონო პოლიციელებო, ბატონო მეხანძრე-მაშველებო, ბატონო მესაზღვრეებო, ბატონებო, ვინც ემსახურებით შინაგან საქმეტა სამინისტროს თქვენი მსახურება არის უდიდესი პასუხისმგებლობა და არ არსებობს იმაზე ღირსეული მსახურება, რომ ემსახურო სენი მოქალაქის ჯანმრთელობას, სიცოცხლეს და იყო შენი ქვეყნის სიმსვიდის სადარაჯოზე! კიდევ ერთხელ გილოცავთ პოლიციის დრეს. ჩემთვის უდიდესი ღირსებაა ვემსახურო საქართველოს თქვენთან ერთად! მადლობა."

დავით კირკიტაძე გაათავისუფლეს

access_time31-05-2019, 16:26 chat_bubble_outline35

„ნაციონალური მოძრაობის“ ერთ-ერთი ლიდერი, დავით კირკიტაძე საპროცესო გარიგების შედეგად პატიმრობიდან გათავისუფლდა. აღნიშნული გადაწყვეტილება გურჯაანის რაიონული სასამართლოს მოსამართლე ნუნუ ნემსიწვერიძემ მიიღო. დავით კირკიტაძემ დღევანდელ სასამართლო პროცესზე ბრალი აღიარა და მომხდარის გამო ბოდიში მოიხადა. როგორც მან აღნიშნა, ის პატივს სცემს პოლიციის ინსტიტუტს. შეგახსენებთ, დავით კირკიტაძის მიმართ საქმე სისხლის სამართლის კოდექსის 353-ე მუხლით არის აღძრული, რაც პოლიციელზე თავდასხმას, ფიზიკურ შეურაცხყოფასა და ქონების დაზიანებას გულისხმობს.

აჭარაში მაღალჩინოსნები დააკავეს

access_time30-05-2019, 16:42 chat_bubble_outline35

„პრაიმტაიმი"-ს ინფორმაციით, აჭარის მთავრობის მაღალჩინოსნები დააკავეს. დაკავებულთა შორის არის აჭარის განათლების მინისტრის მოვალეობის შემსრულებელი ბაგრატ მანველიძეც. ამ საკითხზე პროკურატურაში 17:00 საათზე საგანგებო ბრიფინგი დაინიშნა. ბრიფინგამდე უწყება დაკავებულთა ვინაობას არ ასაჯაროებს.