საიტის ძველი ვერსიაზე გადასასვლელად დააჭირეთ აქ!

11 მინისტრიდან 6 დეკლარირებული მილიონერია

access_time30-05-2019, 15:42 chat_bubble_outline35

თანამდებობის პირთა ქონებრივი დეკლარაციის მიხედვით, 11 მინისტრიდან 6 ოფიციალური მილიონერია.
დეკლარაციის მიხედვით, მილიონერი მინისტრების სია ასე გამოიყურება:
მაია ცქიტიშვილი - (საქართველოს რეგიონული განვითარებისა და ინფრასტრუქტურის მინისტრი). მისი ქონების ჯამი 3,807,903 ლარია.
ქეთევან ციხელაშვილი - (სახ. მინისტრი შერიგების და თანასწორობის საკითხებში) – 3,005,860 ლარი.
ივანე მაჭავარიანი - (ფინანსთა მინისტრი) - 1, 950, 218 ლარის ქონების მფლობელია.
გიორგი გახარია - (საქართველოს შინაგან საქმეთა მინისტრი) - 1,650,084 ლარი.
ლევან იზორია - (საქ. თავდაცვის მინისტრი) - 1, 456,990 ლარი.
ნათია თურნავა - (ეკონომიკისა და მდგრადი განვითარების მინისტრი), რომლის ოჯახის ქონება 1,100,000 ლარია.
რაც შეეხება ქვეყნის პრემიერ მინისტრს მამუკა ბახტაძეს, მის სახელზე ნაჩუქარი სახლი, ნაჩუქარი მიწის ნაკვეთი და 28 ათას 330 ლარი და 64 თეთრი ირიცხება.
როგორც უკვე აღინიშნა ეს მხოლოდ დეკლარირებული ქონებაა, რომელთა შესახებაც ინფორმაცია თავად მინისტრებს აქვთ მითითებული.

წყარო: პრესა.ჯი

ვლადიმერ ზელენსკიმ სააკაშვილს უკრაინის მოქალაქეობა აღუდგინა

access_time28-05-2019, 17:47 chat_bubble_outline35

უკრაინის პრეზიდენტმა ვლადიმერ ზელენსკიმ საქართველოს ყოფილ პრეზიდენტს მიხეილ სააკაშვილს უკრაინის მოქალაქეობა აღუდგინა. მიხეილ სააკაშვილმა სოციალურ ქსელში უკრაინის პრეზიდენტის განკარგულება გამოაქვეყნა და მადლობა გადაუხადა.
თავდაპირველად სააკაშვილს უკრაინის მოქალაქეობა 2015 წლის 29 მაისს იმჟამინდელმა პრეზიდენტმა პეტრო პოროშენკომ მიანიჭა. მოგვიანებით უმაღლესი რადას წევრმა და უკრაინის შინაგან საქმეთა მინისტრის მრჩეველმა, ანტონ გერაშენკომ 2017 წლის 27 ივლის განაცხადა, რომ მიხეილ სააკაშვილს, რომელიც საქართველოს მიერ რამდენიმე დანაშაულისათვის იძებნება, მოქალაქეობა „მოქალაქეობის შესახებ“ უკრაინის კანონის მე-19 და 21-ე მუხლების საფუძველზე შეუწყდა.