პაატა იმნაძე ორსულებს მოუწოდებს გრიპის ვაქცინით აიცრან


დაავადებათა კონტროლის ეროვნული ცენტრის დირექტორის მოადგილე პაატა იმნაძე ორსულებს მოუწოდებს, სეზონური გრიპის ვირუსის საწინააღმდეგო ვაქცინით აიცრან, რადგან მისივე თქმით, გრიპის ვირუსი ორსულებისთვის Covid-19_ზე საშიშია.

„ჯერ სეზონი კიდევ გრძელდება. თუმცა, უნდა ითქვას, რომ ისე, როგორც ევროპის ქვეყნების აბსოლუტურ უმრავლესობაში, გრიპი ძალიან არ არის აქტიური. ზოგ ქვეყანაში არის, მაგრამ თითო-ოროლა შემთხვევა. რა თქმა უნდა, ის, რომ თითქმის მთელ ევროპაში „ლოკდაუნია“, მოქმედებს ამაზე, ყველა პირბადით დადის, დისტანციას იცავს, რაც გრიპისგან თავდაცვაცაა.

თუმცა, ორსულებს მოვუწოდებ მაინც, რომ აიცრან, რადგან გრიპი ორსულებისთვის გაცილებით საშიშია, ვიდრე კოვიდი. ამიტომ, მათ მოვუწოდებ, რომ გრიპზე აუცილებლად აიცრან“, - განაცხადა იმნაძემ.