საქართველოს ბიზნეს ასოციაციის წევრთა რიგებს „რიჩ მეტალს გრუპი“ შეუერთდა






საქართველოს ბიზნეს ასოციაციის წევრთა რიგებს „რიჩ მეტალს გრუპი“ („არემჯი“) შეუერთდა, - ამის შესახებ ინფორმაციას ბიზნეს ასოციაცია ავრცელებს.

როგორც განცხადებაშია ნათქვამი, „არემჯი“ საქმიანობას საქართველოში, ბოლნისის, დმანისისა და თეთრიწყაროს რაიონებში 2012 წლიდან ახორციელებს. ,,არემჯი“, სპილენძის, ოქროს და პოლიმეტალების შემცველი მადნების ღია და მიწისქვეშა მოპოვების წესით და გადამუშავების გზით აწარმოებს პოლიმეტალურ კონცენტრატს და ოქროს დორე შენადნობს.

„მოხარულნი ვართ და მივესალმებით „რიჩ მეტალს გრუპის“ („არემჯი“) საქართველოს ბიზნეს ასოციაციში გაწევრიანებას, სადაც აღნიშნული სექტორი საკმაოდ კარგად არის წარმოდგენილი. გარდა სპეციფიური და საინტერესო საქმიანობისა „არემჯი“ არის ერთ-ერთი უმსხვილესი დამსაქმებელი, რაც მეტად მნიშვნელოვანია ქვეყნის ეკონომიკური მდგრადობისთვის. შესაბამისად, ბიზნეს ასოციაცია აქტიურად განაგრძობს მუშაობას ამ სფეროში მომუშავე კომპანიების ინტერესების დაცვისა და ადვოკატირებისთვის. ვიმედოვნებთ, რომ „არემჯის“ და საქართველოს ბიზნეს ასოციაციის თანამშრომლობა ნაყოფიერი და ორმხრივად სარგებლიანი იქნება“- განაცხადა საქართველოს ბიზნეს ასოციაციის აღმასრულელებმა დირექტორმა, ლევან ვეფხვაძემ.